luns, 1 de maio de 2017

STARgal 2017

Benvidos á segunda convocatoria do noso concurso STARgal.
Se sodes alumnado de Primaria ou Secundaria Obligatoria podedes participar, sempre da man dun ou dunha profe do voso centro.

Neste blog podedes ver videoxogos que imos facendo, pero os do concurso non estarán pendurados ata a mañá do 16 de maio. Cómpre inscribirvos neste formulario para participar, e tedes toda a información e bases na páxina do proxecto.

Este ano hai dúas categorías, con cadanseu premio:

  • STARgal Base: Primaria e 1ºESO
  • STARgal Avanzado: 2º-3º-4º ESO
En cada categoría xógase a 4 probas: un pasapalabra temático (STARgal Base, sobre léxico galego; STARgal Avanzado, sobre Tecnoloxía), un xogo de preguntas e respostas sobre Carlos Casares e dous xogos de habilidade.

Cada concursante dispón de 20 minutos para xogar, e as puntuacións deben enviarse ó correo cachavideo@gmail.com cunha proba acreditativa (captura de pantalla, foto, etc).

Xa temos videoxogos!

O alumnado de 2º e 3º está a traballar arreo para deseñar os videoxogos sobre os que versará o STARgal. Podedes ver os que imos seleccionando na nosa páxina "Videoxogos", e aquí vos deixamos unha mostra: o Demo do Castelo, por Mario Outeiral, de 2ºF

luns, 27 de marzo de 2017

Comezamos a emitir en RadioCACH!

Escoitade que interesante o especial sobre Internet of Things que fixeron Ainhoa, Laura, Gabriela e Gisela!

venres, 17 de marzo de 2017

Primeiros logros co Mblock

Este ano comezamos unha nova andaina robótica coa casa Mblock: polo de agora os equipos van mellor que o curso pasado, e así, en 4º, xa puidemos ir facendo algunha das propostas que Susana Ouviña fai no seu manual "Divirtíndome con Mblock". Aí quedan os testemuños!

video




xoves, 23 de xuño de 2016

Vídeo resumo do STARgal

Con este vídeo facemos un resumo das actividades desenvolvidas nos proxectos do centro (Proxecta, Contrato-Programa e Innovación), sendo o tramo final o que corresponde ó STARgal

xoves, 9 de xuño de 2016

Hora de facer balance!!!

Chega o fin de curso, e con el o momento de mirar atrás e comprobar que, canto e como de ben fixemos o que nos propoñíamos.

Como xa sabedes, o día 10 de maio lanzamos á web o noso concurso STARgal, que tiña dúas modalidades de participación:

  • OlloSTARgal, ou creación de videopoemas a partir dunha peza de Manuel María que se sorteou en público (emitido vía Periscope). Esta competición foi gañada por Pablo García e Andrea Outeiral, alumnos de 4º do IES A Cachada.
  • RañaSTARgal, competición online sobre 4 videoxogos creados no seo do Proxecta Aprendo Progamando e coa axuda dos monitores do Contrato Programa STARcach. Os 4 videoxogos están na páxina rañaSTARgal, 2 eran Pasapalabras (de vocabulario galego en xeral e de Manuel María), e 2 xogos de habilidade, un sobre a historia de Pardo de Cela e outro sobre o uso correcto de expresións gramaticais galegas. Esta competición foi gañada por alumnado do IES Johan Carballeira.

Quedamos moi contentos de ter feito esta actividade, e agardamos para o ano repetir e facela mellor: anunciar con tempo o concurso (este ano soubemos que estaba aprobado o día 2 de maio, 8 días antes!), facelo o máis transparente posible, e conseguir que participe moita xente en toda Galicia.

Pero sobre todo: estamos felices de que o noso alumnado participase, de que axudase a crear as probas (as online e as físicas, no noso insti A Cachada), de que aprendese, e de que disfrutase. Se queredes aprender algo máis sobre robótica, consultade os nosos videotitoriais en STAR Cach

Creatividade e aprender disfrutando, como din os Pizarro! ;)

martes, 10 de maio de 2016

Sorteo do olloSTARgal

Acabamos de sortear en directo o poema para o concurso olloSTARgal: saiu o número 10.
Lembrade que tedes de prazo ata hoxe ás 24:00h, e que o debedes inscribir na pestana deste Blog co formulario.

O premio son 100€ e acceso directo ós obradoiros do Olloboi.
Sorte!

DEGARO

Quero, pra alumarme, a tua sorrisa:
esa luz maina e tépeda
que me agarima como veludo o corazón.
Xa ves, amiga miña: eu estou só
e na noite escentilan as estrelas.
E os meus soños percuran os teus soños.
Teño un sabor a fel na miña língoa
namentras non escoito as tuas palabras
que caen en mín como unha choiva tépeda.
Esquence, amante, a tua soidade.
Date a mín
que eu te cinguirei como unha hedra.
Sinto agallopar por min salvaxes poltros:
é a miña vida madura esligando
por agarimarte toda como un vento.
Recorre a miña alma enteiramente
e que os teus beizos
me veñan xa matar esta impaciencia. Entre a arxila e a luz